Roghainnean CànainLanguage choices BeurlaEnglish Gàidhlig ShìmplidhSimple Gaelic GàidhligGaelic
Ùidh agad a dhol an sàs sna buidhnean?Interested in joining groups? Faic buidheannanView groups
’S e DVD air leth math a tha ann an ‘Seinn Thu Fhèin’ agus tha e dhan h-uile duine – ged a bhiodh làn do chlaigeann de Ghàidhlig agad no ged nach biodh aon fhacal fhèin agad! ’S e fìor dheagh smuain a tha anns an DVD, a’ cleachdadh dòighean na latha an-diugh gus Gàidhlig a thaisbeanadh. ’S e cariòcaidh ann an Gàidhlig a tha ann an ‘Seinn Thu Fhèin’!!!
Tha na h-òrain Ghàidhlig a tha air an DVD gu math ainmeil dha na Gàidheil...math dha na daoine a tha eòlach orra agus dhaibhsan nach eil eòlach orra. ’S e ‘Seinn Thu Fhèin’ a’ chiad DVD dhe leithid agus bheir e dhut an cothrom seinn aig àirde go ghuth fad ùine mhòr agus ’s e deagh dhòigh a tha ann do chuid Gàidhlig a chleachdadh. Faodaidh tu na h-òrain a sheinn leis no gun na faclan – tha sin a rèir dè cho treun ’s a tha thu! Eadhon ged nach biodh Gàidhlig agad, dh’fhaodadh tu feuchainn air – dh’fhaodadh beagan a bhith agad mus cur thu crìoch air an òran! Chan fheum thu Gàidhlig sam bith gus tlachd fhaighinn bho bhith ag èisteachd ri daoine a’ seinn nan òran (ach dh’dhaodte gum feum thu do chluasan a mhùchadh le seinneadair no dhà)!
Tha sèistean air na h-òrain air fad agus ’s urrainn do dhuine sam bith an seinn leis nach eil iad ro dhuilich a thaobh a’ chiùil agus a thaobh nam faclan.
Teann A Nall
He Mo Leannan
O Teannaibh Dluth is Togaibh Fonn
Eilean an Fhraoich
Eilean mo Ghaoil
Ille Chrubaich
Fhir a Bhata
Rubha na Cudeagan
Balaich an Iasgaich
Am biodh ùidh agadsa ann an Seinn Thu Fhèin? Tha sinne dhen bheachd gum biodh! An seo aig mygaelic.com tha sinn air fad ag ionnsachadh Gàidhlig agus chan eil dòigh nas fheàrr na sin a dhèanamh uaireannan na bhith a’ seinn òran no dhà! ’S e fìor dheagh dhòigh a tha seo air spòrs a bhith agad led chuid Gàidhlig. ’Se fìor dheagh bheachd a bha ann an ‘Seinn Thu Fhèin’.
Math do luchd-ionnsachaidh – Ionnsaich Gàidhlig ’s tu a’ seinn nan òran. Tha an DVD air a’ Bheurla a chur an cois na Gàidhlig, agus mar sin gheibh thu fiosrachadh mu Alba agus mun Ghàidhealtachd fhad ’s a tha thu a’ seinn.
A’ brosnachadh na Gàidhlig - ’S e deagh chothrom a tha seo dhan h-uile duine a tha ag iarraidh cànan na h-Alba a bhrosnachadh! Thoir leat e agus seinn na h-òrain ge brith càite an tèid thu agus leig le daoine a chànan as toigh leat a chluinntinn!
Dhan h-uile duine – Chan ann a-mhàin dha na Gàidheil a tha seo – faodaidh duine sam bith na h-òrain air an DVD a sheinn...agus spòrs gu leòr a bhith agad ga dhèanamh!
Air chuairt – Ged a bhiodh tu thairis air a’ mhuir no air rathad – tha Seinn Thu Fhèin na DVD math. Dh’fhaodadh tu a thoirt leat a dh’àite sam bith airson partaidh Ghàidhlig a dhèanamh. Ionnsaich òrain – Tha an DVD a’ toirt cothrom do dhaoine a’ chiad òran Gàidhlig aca ionnsachadh, no ionnsaich fear no dhà eile.
Math do phàrantan – Cleachd an DVD gus do chuid cloinne a chuideachadh gus piseach a thoirt air an sgilean seinn agus air an cuid Gàidhlig. Dòigh mhath dha na pàrantan barrachd ùidh a ghabhail ann Gàidhlig agus gus spòrs a bhith aca.
Dhuibhse as toigh leibh ceòl – Tha na h-òrain a tha air an DVD gu math ceòlmhor agus breàgha. ’S dòcha nach biodh tu ach ag iarraidh èisteachd ris na h-òrain. ’S e cothrom air leth a tha ann uiread de dh’òrain cèilidh fhaighinn ann an aon àite!
Do dhuine sam bith, airson partaidhean sam bith, do dh’fhileantaich, luchd-ionnsachaidh no duine gun Ghàidhlig sam bith – tha ‘Seinn Thu Fhèin’ math dhan h-uile duine. Feuch e, còrdaidh e riut. Gus barrachd fiosrachaidh fhaighinn agus gus an DVD a cheannach bruth an seo.
Chan eil gin a bheachdan mun rud seo.