Bha mygaelic.com ann agus pasgain dhuaisean didseatach againn rin toirt seachad, agus bha bogsa bhidio sheunta againn a bha coltach ri Tardis. Thairis air an dà latha, thàinig ceudan de dh’oileanaich ùra a-steach don stiùidio chlàraidh againn agus fhreagair iad ceistean mòra mun Ghàidhlig, an suidheachadh an-dràsta agus na tha an dàn dhi. Bha sinn ag iarraidh faighinn a-mach dè fios a bh’ aig daoine mun chànan, an robh iad ga cluinntinn tric agus dè ghabhadh a dhèanamh gus Gàidhlig a chur air adhart.

Fhuair sinn freagairtean air leth math, agus fhuair sinn beachdan nan oileanach fhèin air film a thaobh dè bha iad a’ smaoineachadh a bha an dàn don chànan. Chòrd am bogsa bhidio gu mòr ri daoine, agus bha ùidh aig tòrr dhiofar dhaoine ann. Seach nach cluinneadh tu a-muigh dè bhathar ag ràdh sa bhogsa, fhuair sinn beachdan làidir, fìrinneach bhon ath ghinealach de ghaisgich is ceannardan.

Fhuair sinn a-mach gu bheil ùidh mhòr aig daoine òga sa Ghàidhlig agus tha iad ro dheònach cuideachadh le bhith sguabadh air falbh bacadh sam bith a tha a’ cur stad air adhartas a’ chànain. Fhuaras beachdan agus chaidh an clàradh, agus chòrd e ris a h-uile duine! Cùm sùil air an duilleag dachaigh agus chì thu cuid de an pìosan film as fheàrr bho ar caraidean, agus gheibh thu a-mach dè bha iad ag ràdh mun Ghàidhlig!

---