Bha mygaelic.com a’ toirt seachad pocannan le uidheam didseatach (digital equipment) an asgaidh, agus bha stiùidio bhidio againn a bha coltach ri Tardis. Thairis air an dà latha, thàinig ceudan de dh’oileanaich ùra a-steach don stiùidio chlàraidh (recording) againn agus fhreagair iad ceistean mòra mun Ghàidhlig, agus mu na tha a’ dol a thachairt don chànan. Bha sinn ag iarraidh cluinntinn dè an t-eòlas a bh’ aig daoine air cùisean Gàidhlig, bha sinn a’ faighneachd: an robh daoine a’ cluinntinn no a’ faicinn Gàidhlig tric. Agus bha sinn a’ faighneachd dhaibh, ciamar a tha sinn a’ dol a chur Gàidhlig air adhart (promote, literally put forward).

Fhuair sinn freagairtean air leth math, agus fhuair sinn beachdan nan oileanach fhèin air film a thaobh dè bha iad a’ smaoineachadh a bha an dàn don chànan (in store for the language). Chòrd am bogsa bhidio gu mòr ri daoine, agus bha ùidh aig tòrr dhiofar dhaoine ann. Cha robh daoine a bha taobh a-muigh a’ bhogsa a’ cluinntinn na bha daoine sa bhogsa ag ràdh, agus air sgàth sin bha saorsa (freedom) aig daoine na beachdan aca a thoirt dhuinn.

Fhuair sinn a-mach gu bheil ùidh mhòr aig daoine sa Ghàidhlig agus gu bheil iad ag iarraidh cuideachadh le bhith cur às (removing) do bhacadh (barrier) sam bith a tha a’ cur stad air adhartas (progress) don chànan. Fhuair sinn beachdan, agus chlàraich (recorded) sinn iad, agus chòrd e ris a h-uile duine!

Cùm sùil air an duilleag dachaigh agus chì thu cuid de an pìosan film as fheàrr bho ar caraidean, agus gheibh thu a-mach dè bha iad ag ràdh mun Ghàidhlig!

---