Thuirt am britheamh Gàidhlig, Gillebrìde Mac a’ Mhaoilein: “Bha an fharpais uabhasach math agus bha sinn uabhasach toilichte leis na chuala sinn de dheagh Ghàidhlig, agus tha an luchd-teagaisg Gàidhlig aca cuideachd rim moladh gu mòr.”
Thuirt Kirsteen Menzies, stiùiriche na còisir: “Bha an fharpais dìreach sgoinneil agus gu math faisg. Tha sinn dìreach fortanach gun do bhuannaich sinn. Fhreagair an t-òran ainmichte gu math air a’ chòisir, agus cha b’ urrainn dhuinn na b’ fheàrr na Cabar Fèidh a roghnachadh, òran le dlùth cheangal ris an sgìre.”
Bhuannaich Inbhir Pheofharain prìomh dhuais nan còisirean an-uiridh cuideachd, a’ chiad bhliadhna aig Kirsteen na stiùiriche. Ron sin bha a h-athair Hamish na stiùiriche air a’ chòisir fad 37 bliadhna. Fhuair Còisir Ghàidhlig Lunnainn an treas àite.
Coisir Ghaidhlig Inbhir Pheofharain/Dingwall Gaelic Choir
Chan eil gin a bheachdan mun rud seo.