’S e com-pàirteachais rannsachaidh (research partnership) a tha ann an Soillse, a tha a’ gabhail a-steach Institiud nam Mìle Bliadhna (OGE) agus Oilthighean Obar Dheathain, Dhun Èideann agus Ghlaschu. Tha Comhairle Maoineachaidh na h-Alba (Scottish Funding Council - SFC) a’ cur £1.866 millean ris le £2.483 millean a’ tighinn bho na h-institiudan, £0.541 millean bho Bhòrd na Gàidhlig agus £0.4 millean bho Iomairt na Gàidhealtachd’s nan Eilean (Highlands and Islands Enterprise).

Thèid am maoin tasgaidh (investment) a chleachdadh gus sàr luchd-rannsachaidh fhastadh, naoi sgoilearachdan ollamhachd (PhD studentships) a stèidheachadh thar nan institiudan a tha a gabhail pàirt, le co-dhiù ceithir dhiubh an co-bhoinn ri buidhnean aig a bheil ùidh sa Ghàidhlig (Gaelic stakeholders), agus co-labhairt bliadhnail air a chumail gus lorgaidhean nan rannsachaidhean a thaisbeanadh.

Bidh e na phrìomh dhleastanas (function) aig Soillse fios a chumail ri Riaghaltas na h-Alba mu na prìomhachasan eaconomach is sòisealta (economic and social priorities) airson na Gàidhlig. Bidh na ceithir institiudan ag obair an com-pàirt le prìomh bhuidhnean, leithid Bhòrd na Gàidhlig, gus am fiosrachadh a chaidh a chruinneachadh (gathered)bhon rannsachadh a cho-roinn airson fios a chumail ri oidhirpean nàiseanta is ionadail(national and local efforts) gus tionndadh a thoirt air crìonadh (to reverse the decline of) na Gàidhlig agus gus cleachdadh na Gàidhlig (the use of Gaelic) a bhrosnachadh ann an ceàrnaidheanan far nach eilear ga bruidhinn gu dualchasach(where not traditionally spoken).

Thuirt Mark Batho, Àrd-oifigear an SFC: “Tha eachdraidh bheairteach is ioma-dhathach (rich and colorful) aig Alba agus chluich a’ Ghàidhlig pàirt chudromach san eachdraidh sin. Tha sinne dhan bheachd gu bheil e cudromach gum bi cànan is cultar na Gàidhlig air a bhrosnachadh gus a bhith a’ cinneachadh is a’ leasachadh agus tha mi toilichte gun urrainn dhuinne agus na com-pàirtichean eile rannsachadh a mhaoineachadh gus am pàirt sònraichte seo de dhearbh-aithne na h-Alba a chumail beò.” Thuirt Mìcheal Ruiseal, Rùnaire a’ Chaibineit airson Foghlam is Ionnsachadh Fad-beatha (Cabinet Secretary for Education and Lifelong Learning): “Tha mi cinnteach gun cluich an com-pàirteachas seo pàirt chudromach ann a bhith a’ dealbhadh mar a bhios sinn a’ gluasad air adhart (moving forward) le ar n-obair ann a bhith ag adhartachadh na Gàidhlig thar nam bliadhnaichean a tha romhainn (the years to come).

“Feumadh sinn ghinealach (generation) ùr de luchd-labhairt (learners) Gàidhlig a chruthachadh gus meur bheairteach de bheatha chultarail na h-Alba agus coimhearsnachd cànain sònraichte ann an Alba a dhìon.

“Seach gu bheil com-pàirtichean Soillse sgaoilte air feadh gach ceàrnaidh den dùthaich, chithear gu bheil oidhirpean ga dèanamh air feadh Alba gus stad a chur air an crìonadh ann an àireamh luchd-labhairt na Gàidhlig.”

Chuir Art MacCormaig, Cathraiche Bòrd na Gàidhlig, fàilte air iomairt an SFC: “Tha Bòrd na Gàidhlig toilichte taic a chur ri Soillse, a tha toirt dhuinn uile cothroman agus stiùiridhean (directions) ùra sònraichte. Tha e deatamach (vital) gum bi leasachadh na Gàidhlig san àm ri teachd stèidhichte air deagh rannsachadh agus dealbhadh gus an urrainn dhan Bhòrd, agus buidhnean eile, a thighinn gu co-dhùnaidhean fiosraichte mu na h-iomairtean a tha nas buailtich a bhith soirbheachail a thaobh a bhith cuideachadh ann a bhith a’ lìbhrigeadh Plana Nàiseanta na Gàidhlig gu ar coimhearsnachdan.

“Chan e a-mhàin (not only will) gun toir an com-pàirteachas seo ri chèile ealantas sònraichte ach bheir e cuideachd cothroman cosnaidh do dh’òigridh, tro sgoilearachdan PhD, a dhol an sàs ann an rannsachadh agus leasachadh na Gàidhlig san àm a tha an làthair agus san àm ri teachd.”