Dh’ fhoillsich (announced) CnaG gum faigh suas ri 20 oileanach pàirt a ghabhail ann an Sgeama Greis Gnìomhachais nan Oileanach (Student Placement Scheme) 2010.

Tha e a’ toirt cothrom do dh’ oileanaich aig a bheil Gàidhlig, a bhith ag obair còmhla ri buidhnean a tha an sàs ann (engaged in) an leasachadh (development) Gàidhlig agus leasachadh coimhearsnachd. A thuilleadh air a bhith a’ toirt eòlas (experience) obrach dhaibh, tha an Sgeama cuideachd a’ toirt cosnadh (employment) deich seachdainean (weeks) do na h-oileanaich, rè mìosan an t-samhraidh.

Tha an Sgeama a’ toirt cothrom do na h-oileanaich eòlas fhaighinn air a bhith ag obair ann an suidheachadh (environment/setting) far an cluinn (hear) iad a’ Ghàidhlig ’s far am faigh iad an cothrom a cleachdadh (put to use). A bharrachd (furthermore) air a’ bhuannachd (benefit) seo dha na h-oileanaich fhèin, tha an Sgeama na chuideachadh (help) mòr do na buidhnean Gàidhlig oir tha iad a’ faighinn cothrom sgilean (skills) nan oileanach a chur gu feum ann an obair làitheil na buidhne.

Ann an 2009, fhuair 30 oileanach greis gnìomhachais còmhla ri buidhnean an Leòdhas, Uibhist a-Tuath, Beinn na Fadhla (Benbecula), Uibhist a-Deas, An t-Eilean Sgitheanach, Ìle, Tiriodh (Tiree), Inbhir Nis is Glaschu.

Thuirt Dòmhnall MacNèill, Ceannard (Chief Executive) ChnaG, “Tha e follaiseach (clear/evident) gum feum sinn na ‘s urrainn (able to) dhuinn a dhèanamh gus daoine òga a bhrosnachadh agus a mhisneachadh (inspire and encourage) gus a’ Ghàidhlig a chleachdadh, agus gus tuigse (understanding) ceart thoirt dhaibh gur e rud luachmhor (valuable) a th’ann an comas labhairt na Gàidhlig ann an saoghal cosnaidh (employment) anns an latha th’ann. Tha an àireamh de dh’obraichean far am bheil fileantachd ‘s a’ Ghàidhlig a sìor dol a meud (required/desired).”

Thuirt Alasdair MacLeòid bho Iomairt na Gàidhealtachd (Highlands and Islands Enterprise) ’s nan Eilean, “Tha sinne gu math toilichte taic (support) a chumail ris an Sgeama seo, oir tha e follaiseach dìreach cho cudromach sa tha a’ Ghàidhlig do dh’ eaconamaidh na sgìre againn. Tha an Sgeama soirbheachail seo na mheadhan air a’ bhuannachd sin a leudachadh. Cò aige tha fios nach faigh luchd-gnothaich soirbheachail (successful heads of business) na bliadhnaichean a tha ri tighinn a’ chiad cothrom aca eòlas a chuir air saoghal obrach tron Sgeama seo.”

Thuirt Daibhidh Boag, Leasaiche Cànain Bhòrd na Gàidhlig: “Tha an Sgeama seo air a bhi soirbheachail anns na h-ochd bliadhna a chaidh seachad, le iarrtas (demand) mhòr air gach cuid bho na h-oileanaich fhèin, agus bho na buidhnean a th’air a bhi an sàs ann. Ann a bhi cruthachadh (create) ginealach ùr (new generation) de luchd-labhairt na Gàidhlig, tha innleachdan (initiatives) agus cothroman mar seo cudromach ann a bhith dearbhadh (showing) do dhaoine gu bheil cothroman fìor mhath aca bith-beò (livelihoods) a dhèanamh ma tha Gàidhlig aca.”

Bu chòir do dh’ oileanaich a tha ag iarraidh pàirt a ghabhail ann an Sgeama na bliadhna-sa (this year) iarrtas (application) a chuir gu CnaG, 71 – 77 Sràid Chrombail, Steòrnabhagh, Eilean Leòdhais HS1 2DG ro 2 Giblean (April) 2010. Airson tuilleadh fiosrachaidh agus Foirmean Iarrtais, tadhail air, http://www.cnag.org.uk/iomairtean/oigridh/greis.php

Bu chòir do bhuidhnean a tha a’ stiùireadh an cuid gnìomhachais tro mheadhan na Gàidhlig agus a tha airson pàirt a ghabhail san Sgeama le bhith a’ gabhail oileanaich fios a chuir gu CnaG aig an oifis ann an Steòrnabhagh. Fon: 01851 701802 agus P-dealain: donna@cnag.org.uk

Tha Sgeama Greis Gnìomhachais nan Oileanach air a mhaoineachadh le (funded by) Bòrd na Gàidhlig agus Iomairt na Gàidhealtachd ’s nan Eilean agus air a’ stiùireadh le Comunn na Gàidhlig.