Thoir dhuinn BBC ALBA air Freeview!
le mygaelic.com
- BeurlaEnglish
- Gàidhlig ShìmplidhSimple Gaelic
- GàidhligGaelic
Dh’fhoillsich Urras a’ BhBC air Dimàirt 23 Màrt gu robh iad air an ceann-latha airson deireadh an sgrùdaidh aca air BBC ALBA a chur air ais. Bhathar an dùil ri co-dhùnadh mun t-sianal air Freeview sa Ghiblean, ach bidh dàil sa chùis a-nis.
’S e bristeadh-dùil mòr a th’ ann agus tha sinne aig mygaelic.com den bheachd gum bu chòir cothrom a bhith aig an uiread as urrainnear de dhaoine air BBC ALBA!
Tha sinn ag iarraidh ar taic do BhBC ALBA a nochdadh, agus tha sinn feumach air ur cuideachadh! Tha sinn air athchuinge air-loidhne a chur air dòigh do dhaoine a tha air an aon ràmh.
Dìreach cuir d’ ainm ris an athchuinge gus ur taic do BhBC ALBA a nochdadh. Cruinnicheamaid nas urrainn dhuinn de dh’ainmean agus seallaidh sinn gu bheil iarrtas ann airson BBC ALBA air Freeview AN-DRÀSTA FHÈIN!
Innis do dhaoine mu dheidhinn agus briog an seo gus d’ ainm a chur ris an athchuinge agus cuir post-d le beachdan chun Urrais aig: trust.enquiries@bbc.co.uk le leth-bhreac gu: oifis@gaidhlig.org.uk
Chan eil gin a bheachdan mun rud seo.