Tha sgoilearan ag ionnsachadh tron Ghàidhlig, agus nuair a tha iad deiseil anns a’ bhun-sgoil bidh iad fileanta ann an Gàidhlig agus ann am Beurla. Bidh iad ag ionnsachadh a bhith a’ leughadh agus a’ sgrìobhadh ann an Gàidhlig, agus ann am Beurla cuideachd. Tha tòrr rannsachaidh (research) ag innse dhuinn cho math sa tha foghlam dà-chànanach (bilingual).

Teisteanas (testimony)

Gwen Culbertson, Ceannard (head teacher) Bun-sgoil Shlèite

“Thogadh mi fhèin agus mo pheathraichean ann an dachaigh far an robh sinn a’ bruidhinn Gàidhlig agus Beurla. Chaidh mi tro Fhoghlam tro Mheadhan na Gàidhlig, agus rinn mu ceum le urram (honours degree) tro mheadhan na Gàidhlig. Tha seo a’ ciallachadh gu bheil tuigse mhath agam air dualchas (heritage) nan Gàidheal agus dualchas na h-Alba.

“’S mise aon de na ciad daoine a rinn Foghlam tro Mheadhan na Gàidhlig, agus a tha nan ceannard air sgoil Ghàidhlig. Tha an suidheachadh (situation) gu math eadar-dhealaichte (different) bhon a bha e nuair a thòisich mise ann am Foghlam tro Mheadhan na Gàidhlig o chionn 20 bliadhna. Tha am buidheann (organisation) Stòrlann ann a-nis, a tha a’ toirt dhuinn goireasan (resources) sgoile, agus tha taic ann do phàrantan agus daoine a tha ag obair anns na sgoiltean.

“’S e cothrom (opportunity) fìor mhath a th’ ann am foghlam Gàidhlig do chloinn. Tha cuid a dhaoine a’ smaoineachadh nach urrainn dhaibh an cuid cloinne a chuideachadh le obair-sgoile. Ach tha goireasan ann a-nis bho Stòrlann agus tha clubaichean obair-dachaigh (homework) ann. Tha aon rud a’ cur iongnadh mòr orm (surprises me greatly), ’s e sin cho luath sa tha a’ chlann ag ionnsachadh Gàidhlig. ’S e rud uabhasach math a th’ ann am foghlam dà-chànanach (bilingual), agus tha mi ga mholadh (recommend) do dhuine sam bith.”