Roghainnean CànainLanguage choices BeurlaEnglish Gàidhlig ShìmplidhSimple Gaelic GàidhligGaelic
Ùidh agad a dhol an sàs sna buidhnean?Interested in joining groups? Faic buidheannanView groups
Chaidh an duilleag seo ùrachadh mu dheireadh san Dàmhair 2011
This page was last updated in October 2011
Airson fiosrachadh ùraichte thoiribh sùil air www.learngaelic.net, aon àite air an eadar-lìon airson a h-uile duine le ùidh ann a bhith ag ionnsachadh Gàidhlig na h-Alba. Ge bith dè an aois a tha thu, no dè an t-eòlas a tha agad, tha cuideachadh dìreach cliog air falbh.
For updated content please visit www.learngaelic.net, a one-stop shop for anyone and everyone interested in learning Scottish Gaelic. Whatever stage you are at, and whatever age you are, all the help you need is just a click away.
- BeurlaEnglish
- Simple GaelicSimple Gaelic
- GàidhligGaelic
CUSPAIR FILMG GA AINMEACHADH!
‘AIR AN STAIRSICH’ (ON THE THRESHOLD)
Bhon a fhuaras còrr is 150 freagairt anns an fharpais bheag, ‘Thoir Barail air a’ chuspair’, bha iomadh barail air a cur mar coinneimh an leithid “Dòchas”, “Iongantas”, “Fuasgladh”, “Fon Phrosbaig” agus “Saoghal Ùr”.
Dhùin an fharpais aig meadhan-oidhche Diciadain 15 Ògmhios, agus se Coinneach Bàn a rinn tomhas ceart air cuspair na bliadhna “Air an Stairsich”, ’s e a’ gleidheadh duais luach £200.
Tha FilmG a’ brosnachadh dhaoine a tha còrr is 12 bliadhna a dh’aois film goirid Gàidhlig a dhèanamh eadar trì is còig mionaidean a dh’fhaid. Thathar gu sònraichte ag iarraidh gun gabh luchd-ionnsachaidh agus daoine gun Ghàidhlig pàirt ann, agus gheibhear cuideachadh leis a’ chànan bho ThàlantG, buidheann taice FilmG. Tha dà phrìomh roinn anns a’ cho-fharpais, aon do dh’ Inbhich agus aon do dhaoine aois 12-17. Tha airgead agus greis gnìomhachais rim buannachadh mar dhuais, agus bidh a’ cho-fharpais a’ crìochnachadh le cuirm mhòr nan duaisean a bhios a’ comharrachadh nan daoine ealanta a rinn na filmichean.
LÀRACH-LÌN ÙR
Tha dreach ùr air làrach FilmG www.filmg.co.uk a tha a-nis air a dhol beò. Gheibhear fiosrachadh air a’ cho-fharpais am-bliadhna, air na roinnean agus mar a thèid thu an sàs innte. Tha cuid den làraich anns a’ bheairt fhathast, ach gheibhear a dh’aithghearr i. Anns an atharrach, lorgaidh tu sinne aig FilmG Alba air Facebook agus Twitter. ’S e 6 Faoilleach 2012 an ceann-là airson cur a-steach do cho-fharpais FilmG.
TRÈANADH
Mar a rinneadh sna bliadhnachan roimhe, bidh FilmG a’ tabhann trèanadh do dhaoine a tha ag iarraidh pàirt a ghabhail ann, ach as dòcha nach eil eòlach air filmeadaireachd. Thèid cothroman trèanaidh a chur air bhonn san t-Sultain am-bliadhna le deireadh-seachdain làn bhuidhnean-obrach filmeadaireachd ann an Sabhal Mòr Ostaig, an t-Eilean Sgitheanach anns am bi leasachadh sgriobta, stiùireadh, obair chamara, clàradh fuaime agus gearradh, mun tig clàr slàn de bhuidhnean-obrach do dh’ inbhich agus dhaoine aois 12-17 a thèid an chumail air feadh na h-Alba.
Chithear fiosrachadh air na cothroman trèanaidh uile, le sreath de ghoireasan lìn na chois, air www.filmg.co.uk.
Ma tha ceist agad mun cho-fharpais am-bliadhna, mun trèanadh no mu nì sam bith eile co-cheangailte ri FilmG, cuir fios do Eilidh aig fios@filmg.co.uk no 01471 888 505
