naidheachdan mygaelic.commygaelic.com news ![[rss]](/img/icons/14rss.png)
Cothroman ùra do dh’oileanaich le Gàidhlig (22.3.10)
Tha cothroman ùra gu bhi aig oileanaich aig a bheil Gàidhlig greis a chuir seachad còmhla ri buidhnean agus gnìomhachasan air feadh Alba bho sgeama tha ga stiùireadh le Comunn na Gàidhlig, is a tha nis ga chuir air bhog airson 2010.
Dh’ fhoillsich CnaG an diugh gum faigh suas ri 20 oileanach pàirt a ghabhail ann an Sgeama Greis Gnìomhachais nan Oileanach 2010.
Tha e a’ toirt cothrom do dh’ oileanaich aig a bheil Gàidhlig, a bhith ag obair còmhla ri buidhnean a tha an sàs ann an leasachadh Gàidhlig agus leasachadh coimhearsnachd. A thuilleadh air a bhith a’ toirt eòlas obrach dhaibh, tha an Sgeama cuideachd a’ toirt cosnadh deich seachdainean do na h-oileanaich, rè mìosan an t-samhraidh.
Tha an Sgeama a’ toirt cothrom do na h-oileanaich eòlas fhaighinn air a bhith ag obair ann an suidheachadh far an cluinn iad a’ Ghàidhlig ’s far am faigh iad an cothrom a cleachdadh. A bharrachd air a’ bhuannachd seo dha na h-oileanaich fhèin, tha an Sgeama na chuideachadh mòr do na buidhnean Gàidhlig oir tha iad a’ faighinn cothrom sgilean nan oileanach a chur gu feum ann an obair làitheil na buidhne.
Ann an 2009, fhuair 30 oileanach greis gnìomhachais còmhla ri buidhnean an Leòdhas, Uibhist a-Tuath, Beinn na Fadhla, Uibhist a-Deas, An t-Eilean Sgitheanach, Ìle, Tiriodh, Inbhir Nis is Glaschu.
Thuirt Dòmhnall MacNèill, Ceannard ChnaG, “Tha e follaiseach gum feum sinn na ‘s urrainn dhuinn a dhèanamh gus daoine òga a bhrosnachadh agus a mhisneachadh gus a’ Ghàidhlig a chleachdadh, agus gus tuigse ceart thoirt dhaibh gur e rud luachmhor a th’ann an comas labhairt na Gàidhlig ann an saoghal cosnaidh anns an latha th’ann. Tha an àireamh de dh’obraichean far am bheil fileantachd ‘s a’ Ghàidhlig a sìor dol a meud.”
Thuirt Alasdair MacLeòid bho Iomairt na Gàidhealtachd ’s nan Eilean, “Tha sinne gu math toilichte taic a chumail ris an Sgeama seo, oir tha e follaiseach dìreach cho cudromach sa tha a’ Ghàidhlig do dh’ eaconamaidh na sgìre againn. Tha an Sgeama soirbheachail seo na mheadhan air a’ bhuannachd sin a leudachadh. Cò aige tha fios nach faigh luchd-gnothaich soirbheachail na bliadhnaichean a tha ri teachd a’ chiad cothrom aca eòlas a chuir air saoghal obrach tron Sgeama seo.”
Thuirt Daibhidh Boag, Leasaiche Cànain Bhòrd na Gàidhlig: “Tha an Sgeama seo air a bhi soirbheachail anns na h-ochd bliadhna a chaidh seachad, le iarrtas mhòr air gach cuid bho na h-oileanaich fhèin, agus bho na buidhnean a th’air a bhi an sàs ann. Ann a bhi cruthachadh ginealach ùr de luchd-labhairt na Gàidhlig, tha innleachdan agus cothroman mar seo cudromach ann a bhith dearbhadh do dhaoine gu bheil cothroman fìor mhath aca bith-beò a dhèanamh ma tha Gàidhlig aca.”
Bu chòir do dh’ oileanaich a tha ag iarraidh pàirt a ghabhail ann an Sgeama na bliadhna-sa iarrtas a chuir gu CnaG, 71 – 77 Sràid Chrombail, Steòrnabhagh, Eilean Leòdhais HS1 2DG ro 2 Giblean 2010. Airson tuilleadh fiosrachaidh agus Foirmean Iarrtais, tadhailibh aig, http://www.cnag.org.uk/iomairtean/oigridh/greis.php
Bu chòir do bhuidhnean a tha a’ stiùireadh an cuid gnìomhachais tro mheadhan na Gàidhlig agus a tha airson pàirt a ghabhail san Sgeama le bhith a’ gabhail oileanaich fios a chuir gu CnaG aig an oifis ann an Steòrnabhagh. Fon: 01851 701802 agus P-dealain: donna@cnag.org.uk
Tha Sgeama Greis Gnìomhachais nan Oileanach air a mhaoineachadh le Bòrd na Gàidhlig agus Iomairt na Gàidhealtachd ’s nan Eilean agus air a’ stiùireadh le Comunn na Gàidhlig.
New opportunities for Gaelic speaking students
Gaelic-speaking students will get the opportunity to work with businesses and organisations throughout Scotland under a Comunn na Gàidhlig scheme, which was launched today.
Comunn na Gàidhlig announced today that up to 20 students would get placements on its 2010 Students Placement Scheme.
The Scheme gives Gaelic-speaking students the opportunity to work with organisations engaged in Gaelic and community development activity. As well as valuable career experience, the Scheme also provides students with employment for ten weeks during the summer months.
The Scheme gives students the chance to gain experience through working in an environment where they will hear Gaelic spoken and are enabled to speak and use it. As well as the obvious benefits to the students, the Scheme can also be of great benefit to employers who are able to take advantage of the students’ skills to the benefit of their organisation.
In 2009, 30 students secured placements across Scotland with organizations in Lewis, North Uist, Benbecula, South Uist, Skye, Islay, Tiree, Inverness and Glasgow.
Donald MacNeil, Chief Executive of CnaG, said, “It is evident that we must do as much as we can to encourage and give confidence to young people to use Gàidhlig and also enable them to understand that fluency in Gaelic is a valuable skill in today’s jobs market. There are an increasing number of employment opportunities where fluency in Gaelic is required.”
Alasdair MacLeod of Highlands and Islands Enterprise commented, “We are delighted to continue supporting this Scheme because it is very clear to us just how important the Gaelic language is to our area’s economy. This highly successful Scheme is a crucial element in adding to the benefits the language provides the area. Future succesful heads of business may well get their first experience of the workplace through this Scheme.”
David Boag, Leasaiche Cànain, Bòrd na Gàidhlig said, “This scheme has been very successful in the past eight years, with great demand both from the students themselves and also the organizations who participate in it. In trying to create a new generation of Gaelic-speakers, initiatives and opportunities like this are vital in highlighting to people the number of excellent opportunities out there for them to make their livelihoods if they have Gaelic.”
Students who would like to take part in this year’s Scheme should send an application to, CnaG,71 – 77 Cromwell Street, Stornoway, Isle of Lewis, HS1 2DG. For further information, and to download an application form, please go to http://www.cnag.org.uk/iomairtean/oigridh/greis.php
Organisations which work through the medium of Gaelic and wish to participate in the Scheme should contact CnaG at the Stornoway office. Telephone: 01851 701802 and E-mail: donna@cnag.org.uk
The Student Placement Scheme is funded by Bòrd na Gàidhlig and Highlands & Islands Enterprise and administered by Comunn na Gàidhlig.
